3ogla’s Angels Summer Reunion

  بما اني فاضيه وصارلي ساعتين عم بفكر وبهلوس وما في شي اعمله

تذكرت المدونه تبعتنا وقلت شو بدك تكتبي يا بنت همممم … اهااا عن اجتماعنا بالصيف الي وعدت انه اكتب عنه وطبعا متل ما قالت انجل نمبر ثري اني راح اكتبه بجيتي الجايه على عمان .. لع ما حزرتي هو مش بالزبط بس انه قريب يعني ..

المهم طبعا مش راح احكي تفاصيل ٩ ايام لانه بتخد معي لبكره الصبح .. ماشاءالله علينا كنا نتغدى ونتسحر وتنعشى سوى بس جد جد كانت روووووووووعه

طبعا اخدنا صور حدث ولا حرج لدرجه الناس بالشوارع صورناهم..
ما تركنا مكان يعتب علينا .. نتغدى ونروح نارجل بمحل الي زهقونا وصاروا يعرفونا والجرسون ضرب صحبه مع انجل نمبر ثري..وخد يا تغميز يا حرام فلته قال يعني الشاب(راح تجيب اجلي عن قريب كوكي )
بحر الميت كانوا يومين من العمر بس لولا خوف انجل نمبر ثري من سواقه انجل نمبر ون (الملقبه بتاكسي الزهراء) مع انه سواقتها كتير هاديه (هاديه لما ما تكون انجل نمبر ثري احسن ما تلم علينا امه لا اله الا الله) غروب الشمس بهديك النقطه خيالي بصراحه

واحلى شي انه كنا حاجزين بهوتيل ورحنا على هوتيل تاني اولها لووول بس بعدين مشيت معنا الامور
شو كمان شو كمان كتييييييير اشياء

اول يوم كان غير شكل التقيت فيه اول شي بانجل نمبر وان ورحنا نلتقي بانجل نمبر ثري الي اصرت على مكان بيفتح باوقات معينه طبعا انا وانجل نمبر وان رحنا وماشاءالله علينا وبعد ما قعدنا ٥ دقائق انكحشنا بطريقه ادبيه انه سوري بس بنفتح كمان ساعه نحنا..وقتها كان نفسي انا وانجل نمبر وان نمسك بانجل نمبر ثري ونزتها من بلكونه المحل..بس ربنا بيحبها انه ما كانت واصله لسه
وما بدي انسى بطريق الرجعه من البحر الميت الاغنيه الي غنتها انجل ثري الي طبعا مع تحريف غير شكل لكلمات الاغنيه للمطرب الصاعد عزيز مرقه رجعوني على عمان لووول بعدني بستنى الفايل على فكره انا من موبايل انجل وان الي صارلها شهر حالقتلنا

همم خلص بيكفي فضايح لحد هلاء
انتظرونا بعوقله انجلز والنيو يير

ma bywl3ha 3′eer angel three alshahera bkouki

e7zero mn haza al pokimon

 

alba7r almayet yor7eb bena

tb3an hay alsora elha zekra 7′asa loool 7’sosan alsa7′rat wala la2 ya angels

7’sose angel number 1 looool